ഓരോ പുതിയ സെഷന്റെ തുടക്കത്തിലും, സ്വന്തം ജീവിതത്തെ വിലയിരുത്തി (Muhasabah) ഈ 👇 മൂന്ന് മേഖലകളിൽ ഓരോ പ്രവർത്തനലക്ഷ്യം (Action Plan) തിരഞ്ഞെടുക്കും.
- അല്ലാഹുവിനോടുള്ള ഉത്തരവാദിത്തം
- സ്വന്തത്തോടുള്ള ഉത്തരവാദിത്തം
- മറ്റു സൃഷ്ടികളോടുള്ള ഉത്തരവാദിത്തം

കൂടുതല്‍ സഹായത്തിനായി ഈ ഫയല്‍ ഓപ്പണ്‍ ചെയ്യുക. 👉 Muhasaba Malayalam Muhasaba English

ഇങ്ങനെ ജീവിതത്തിന്റെ എല്ലാ മേഖലകളിലും അല്ലാഹുവിന്റെ മാര്‍ഗ്ഗത്തില്‍ സന്തുലിതമായ വളർച്ച കൈവരിക്കുകയും അതിലൂടെ "أُمَّةً وَسَطًا" എന്ന ഖുർആനിക ഉപദേശം ജീവിതത്തിൽ നടപ്പാക്കുക വഴി നബി ﷺ യുടെ സുന്നത്ത് യതാര്‍ത്ഥ രീതിയില്‍ നടപ്പാക്കാന്‍ ശ്രമിക്കുക എന്നുള്ളതാണ്‌ ഉദ്ദേശം.

ഈ ഘട്ടത്തിൽ ഒരു ലൈവ് സെഷന്‍ ഉണ്ടായിരിക്കുന്നതാണ്.
സെഷനില്‍ പ്രധാനമായും
- പ്രശസ്തനായ ഒരു ഖാരി'അ്‌ ന്റെ ഖിറാ അത്ത് കേള്‍ക്കാം
- ആയത്തുകളുടെ വിവര്‍ത്തനം മനസ്സിലാക്കാം
- ഓരോ വാക്കിന്റെയും അർത്ഥവും പുതിയ വാക്കുകളുടെ Root Letters ഉം മനസ്സിലാക്കാം.

ഈ ഭാഗത്തിനാവശ്യമായ Teacher's Notes ലഭ്യമാക്കുന്നതായിരിക്കും. ലൈവ് സെഷന്റെ റെക്കോര്‍ഡിംഗും ഉണ്ടാകുന്നതാണ്‌.

ശേഷം Noji Flash Cards അല്ലെങ്കിൽ ആവർത്തിച്ച് പറയുന്ന പഠനരീതിയിലൂടെ പദാർത്ഥങ്ങൾ മനഃപാഠമാക്കാം.

ഓരോ ഭാഗത്തിന്റെയും തഫ്സീർ സ്വീകാര്യമായ ശ്രോതസ്സുകളെ അടിസ്ഥാനമാക്കിയായിരിക്കും.

പ്രധാനമായും:
- ഭാഷാപരമായ വിശദീകരണങ്ങൾ (Linguistic Explanation)
- ഇമാം ഇബ്‌നു കസീർ رحمه الله യുടെ തഫ്സീർ
- ഇമാം അസ്-സഅ്ദി رحمه الله യുടെ തഫ്സീർ

ഈ ഭാഗത്തിനായി Student Notes ലഭ്യമാക്കുന്നതായിരിക്കും.  ലൈവ് സെഷന്റെ റെക്കോര്‍ഡിംഗും ഉണ്ടാകുന്നതാണ്‌.

ഇതാണ് ഈ കോഴ്സിന്റെ ഏറ്റവും പ്രധാനപ്പെട്ട ഭാഗം.

ആയത്തുകൾ വീണ്ടും വീണ്ടും കേൾക്കുക. പാരായണം ആവർത്തിച്ച് ശ്രവിക്കുക. ഓരോ ആയത്തും സ്വന്തം ജീവിതം, അനുഭവങ്ങൾ, സാഹചര്യങ്ങൾ എന്നിവയുമായി ബന്ധപ്പെടുത്തി ചിന്തിക്കുക.

സ്വയം ചോദിക്കുക:
- ഈ ആയത്ത് എന്നോട് എന്താണ് പറയുന്നത്?
- എന്റെ ജീവിതത്തിൽ എന്ത് മാറ്റം വേണം?
- എന്തു പുതിയതായി ചെയ്യാന്‍ തുടങ്ങണം? എന്ത് തിരുത്തണം?
- എന്തിനാണ് അല്ലാഹുവിനോട് നന്ദി പറയേണ്ടത്?
- എന്തിനാണ് തൗബ ചെയ്യേണ്ടത്?
- എന്തിനുവേണ്ടിയാണ് ദുആ ചെയ്യേണ്ടത്?

ഇങ്ങനെ ഖുർആൻ ഹൃദയത്തിൽ ജീവിക്കുന്ന ഒരു അനുഭവമാക്കുകയാണ് ലക്ഷ്യം.

- താല്പര്യമുള്ള വിദ്യാര്‍ഥികള്‍ക്ക് അവരുടെ തദബ്ബുർ (Reflections) എഴുത്തുകളായോ, ഓഡിയോ റെക്കോര്‍ഡിംഗ് ആയോ, എഴുതിയ പേജിന്റെ ഫോട്ടോ ആയോ upload ചെയ്യാവുന്നതാണ്‌.

ഇതു കൂടുതല്‍ ആളുകളിലേക്ക് ഖുര്‍ആന്‍ ചിന്തകള്‍ എത്തിക്കുന്ന ഒരു ജാരിയായ സ്വദഖയുടെ ഭാഗമാകാന്‍ സഹായിക്കുന്നതാണ്‌. നിങ്ങളുടെ ഖുര്‍ ആനുമായി ബന്ധപ്പെട്ട ലളിതമായ അനുഭവങ്ങൾ പോലും മറ്റുള്ള മുസ്ലിംകൾക്കും, ഇസ്‌ലാമിനെ അന്വേഷിക്കുന്ന അമുസ്ലിംകൾക്കും ഖുർആനുമായി കൂടുതൽ എളുപ്പത്തിലും ഹൃദയസ്പർശിയായും ബന്ധപ്പെടാൻ സഹായകമായേക്കാം ബി ഇദ്നില്ലാഹ്

ആയത്തുകള്‍ ആവര്‍ത്തിച്ച് കേള്‍ക്കാന്‍ ഉള്ള പാരായണത്തിന്റെ ഓഡിയോയും, തദബ്ബുർ (Reflections) upload ചെയ്യാന്‍ ഉള്ള ലിങ്കുകളും നല്‍കുന്നതാണ്‌.

ശേഷം ഒരു ലൈവ് സെഷനിലൂടെ ഒരു Teacher തദബ്ബുര്‍ നടത്തുന്നതാണ്‌. ഈ സെഷന്റെ റെക്കോര്‍ഡിംഗും ലഭ്യമാക്കുന്നതായിരിക്കും.

ഓരോ Cycle ന്റെയും അവസാനം ഒരു പരീക്ഷ ഉണ്ടായിരിക്കും.

അതിൽ ഉൾപ്പെടുന്ന വിഷയങ്ങൾ:
- മുഹാസബയിൽ plan ചെയ്ത പ്രവർത്തനങ്ങളിൽ ഉണ്ടായ പുരോഗതി.
- വാക്കര്‍ത്ഥങ്ങളും Root Letters-ഉം പഠിക്കാന്‍ ശ്രമിച്ചോ എന്നുള്ള വിലയിരുത്തല്‍.
- ഖുർആൻ ആവർത്തിച്ച് കേട്ട് തദബ്ബുര്‍ ചെയ്യാന്‍ ശ്രമിച്ചോ എന്നുള്ള വിലയിരുത്തല്‍.
- തഫ്സീറും Word Analysis-ഉം അടിസ്ഥാനമാക്കിയുള്ള MCQ ചോദ്യങ്ങൾ.

ഈ പരീക്ഷയില്‍ അറിവ് പരിശോധിക്കുന്നതിനൊപ്പം ഓരോരുത്തര്‍ക്കും ഖുര്‍ആനുമായുള്ള ബന്ധവും കഴിഞ്ഞ രണ്ടാഴ്ച്ച കൊണ്ട് അവരവരുടെ ജീവിതത്തിൽ വരുത്താന്‍ ശ്രമിച്ച മാറ്റവും വിലയിരുത്താവുന്നതാണ്‌.

• തികച്ചും സൗജന്യമായ (Free) കോഴ്സ്.
• ഒരു പ്രത്യേക സംഘടനയുടെയോ, ഗ്രൂപ്പിന്റെയോ, വിഭാഗത്തിന്റെയോ (Sect) കോഴ്സല്ല.
• ഖുർആനും സുന്നത്തും സ്വലഫുകളുടെ വിശദീകരണവും അടിസ്ഥാനമാക്കിയുള്ള പഠനമാണ്.
• ലൈവ് ക്ലാസുകൾ സ്ത്രീകൾക്കായിരിക്കും. എങ്കിലും റെക്കോർഡിംഗുകളും പഠനസാമഗ്രികളും മറ്റ് സൗകര്യങ്ങളും സ്ത്രീകൾക്കും പുരുഷന്മാർക്കും ഒരുപോലെ പ്രയോജനപ്പെടുത്താവുന്നതാണ്‌.

ഈ കോഴ്സ് പരമാവധി ആളുകള്‍ക്ക് പ്രയോജനപ്പെടുത്താന്‍ വേണ്ടി പലവിധ സാഹചര്യങ്ങൾ പരിഗണിച്ചാണ് രൂപകൽപ്പന ചെയ്തിരിക്കുന്നത്.

• ആര്‍ക്കും ഏത് സമയത്തും കോഴ്സിൽ ചേരാം. നിലവിൽ പഠിപ്പിക്കുന്ന ഏത് ആയത്തിൽ നിന്നും പഠനം ആരംഭിക്കാം.
• എവിടെയിരുന്നും, ഏത് സമയത്തും പഠിക്കാനുള്ള സൗകര്യം.
• എല്ലാവരും ഒരേ രീതിയിൽ പഠിക്കണമെന്ന നിർബന്ധമില്ല.
  • ക്ലാസുകൾ കേൾക്കുക മാത്രം ചെയ്യാം.
  • വാക്കുകള്‍/തഫ്സീര്‍ ക്ലാസുകൾ മാത്രം കേട്ടു അതിന്റെ പരീക്ഷ മാത്രം എഴുതാം.
  • അല്ലെങ്കിൽ മുഹാസബ, തദബ്ബുർ, Reflection, പരീക്ഷ, എന്നിവ ഉൾപ്പെടുന്ന സമ്പൂർണ്ണ പഠനയാത്രയുടെ ഭാഗമാകാം.
• എത്ര ക്ലാസുകളും പരീക്ഷകളും എന്തു കാരണങ്ങളാല്‍ മിസ്സ് ആയാലും പഠനത്തില്‍ നിന്ന് ഒഴിവാക്കുന്ന രീതി ഇല്ല. തിരിച്ച് പ്രയാസങ്ങള്‍ മാറുമ്പോള്‍ ക്ലാസുകളും പരീക്ഷകളും തുടരാവുന്നതാണ്‌

ഈ കോഴ്സ് വെറും ക്ലാസുകൾ മാത്രമല്ല; ഒരു ക്രമബദ്ധമായ പഠനസംവിധാനമാണ്.

• ഓരോ ജുസ്‌അ്‌ പൂർത്തിയാകുമ്പോഴും, ആ ജുസ്‌അ്‌-ലെ എല്ലാ പരീക്ഷകളിലും സ്ഥിരമായി പങ്കെടുത്തവർക്ക് സർട്ടിഫിക്കറ്റ് നൽകുന്നതായിരിക്കും.
• ഓരോ സെഷനുമായി ബന്ധപ്പെട്ട എല്ലാ പഠനസാമഗ്രികളും (Notes, Recordings, Flash Cards, Recitation Audios, Updates തുടങ്ങിയവ) ക്രമമായി അപ്‌ലോഡ് ചെയ്ത് പങ്കുവെക്കുന്നതായിരിക്കും.
• പഠനത്തിൽ സ്ഥിരത (Consistency) നിലനിർത്താൻ ഇടയ്ക്കിടെ Motivation Sessions സംഘടിപ്പിക്കുന്നതായിരിക്കും.
  പഠനത്തിൽ പരസ്പരം സഹായിക്കാനും പ്രോത്സാഹിപ്പിക്കാനും (താല്പര്യമുള്ളവര്‍ക്ക് മാത്രം) ആത്മാർത്ഥരായ ലീഡർമാർ നയിക്കുന്ന പ്രത്യേക Subgroups ഉണ്ടായിരിക്കും. (ONLY LADIES)  മുഹാസബ, പരീക്ഷകൾ, തദബ്ബുര്‍, ലൈവ് സെഷന്‍ Follow-up, മുന്നോട്ട് പോകാനുള്ള പ്രചോദനം തുടങ്ങിയ കാര്യങ്ങളില്‍ Subgroups സഹായകമാകും.  

(Subgroups ഇല്‍ ചേരാന്‍ ആഗ്രഹിക്കുന്നവർ ആദ്യം Starter Group-ൽ  (ONLY LADIES)  ചേർന്ന് അവിടെ നൽകിയിരിക്കുന്ന നിർദ്ദേശങ്ങൾ പാലിച്ച് തങ്ങളുടെ സന്നദ്ധത തെളിയിക്കേണ്ടതാണ്.)

ദീന്‍ ഓണ്‍ലൈന്‍ ആയി പഠിക്കുമ്പോള്‍ നേരിടേണ്ടി വരുന്ന പ്രധാന പ്രശ്നമായ സോഷ്യൽ മീഡിയയുടെ അനാവശ്യ ഇടപെടലുകൾ പരമാവധി ഒഴിവാക്കുന്നു എന്നതാണ് ഈ കോഴ്സിന്റെ മറ്റൊരു പ്രത്യേകത.

• എല്ലാ റെക്കോർഡിംഗുകളും വെബ്സൈറ്റിലൂടെ ലഭ്യമാക്കുന്നതായിരിക്കും.
• പഠനത്തിനായി സോഷ്യൽ മീഡിയ ലിങ്കുകൾ തുറക്കേണ്ട സാഹചര്യം കുറയ്ക്കാൻ ശ്രമിക്കുന്നതാണ്, അതുവഴി അനാവശ്യമായ ശ്രദ്ധതിരിച്ചുവിടലുകൾ ഒഴിവാക്കാം.
• അതോടൊപ്പം, ജമാഅത്തിൽ ഒരുമിച്ച് പഠിക്കുന്നതിന്റെ ബറകത്തും പ്രചോദനവും നഷ്ടപ്പെടാതെ തുടരുന്നതിനായി ആവശ്യമായ കൂട്ടായ പ്രവർത്തനങ്ങളും ചർച്ചകളും പ്രോത്സാഹനങ്ങളും തുടരും.

ഈ കോഴ്സ് ഒരു പരീക്ഷ വിജയിക്കാനുള്ളതല്ല...
ഒരു ജുസ് പൂർത്തിയാക്കാനുള്ളതുമല്ല...

മറിച്ച്,

• ഖുർആനുമായി ഒരു ജീവിതകാല ബന്ധം സ്ഥാപിക്കാൻ,
• ഹൃദയത്തെ ഖുർആനിലൂടെ മാറ്റാൻ,
• ചെറിയ ചെറിയ അമലുകളിൽ സ്ഥിരത കൈവരിക്കാൻ,
• അല്ലാഹുവിന്റെ വചനങ്ങളെ ജീവിതത്തിലെ ഓരോ ഘട്ടത്തിലും ജീവിക്കാൻ പഠിക്കാനാണ്.